Shairi: HISI

Standard

Hisi hisia mie sina hisia.

Njia na nia mie sina hata nia.

Kazi kadhia ndicho nachojua.

 

Ndoa wanaoa mie bado nakodoa.

Wapenzi penzini mie bado ushenzini.

Hatari hatarini midevu kidevuni.

 

Chele nachelewa wote wanaolewa.

Pele wanapelea wazuri wameopolewa.

Ndoa ndoani mie siku yangu lini?

 

Nikimwacha anaolewa na pete anapewa.

Nilomwona ana chawa, jirani kamkuta kanawa.

Haya sasa napagawa adamu mie sina hawa.

 

Hisi hisia sasa nina hisia.

Nina nina nia ila sina njia.

Njia nia hisia sijui wapi naanzia.

 

Jumamosi, Mei 6, 2017

Picha na: http://narrative.ly 

Advertisements

YOU SAID

Standard

 

I was 7 years old,

You were my class mate,

You said I didn’t have a fancy maths set.

 

Then I was 10 years old,

I asked to be your mate,

You said no I didn’t skate, but I had a maths set.

Though.

 

Then I was 15,

I had an old maths set and a new skate,

But I couldn’t afford you a bracelet.

 

To college we went,

I asked for a time we could spend,

You made me your best friend.

 

He showed up to you,

You asked for what he could bring,

An iphone, which every time he would ring.

 

I was left but alone,

I had nothing but regrets why couldn’t I afford love

So I invested on my grades, a doctor, to be I loved.

 

10 years later,

A new iphone I bought, for my wife

And that precious ring, we have a happy life.

 

Last time I saw you,

You were looking for a man with Ferrari,

Now 2 years 40 due, stii have no man to marry.

 

‎Sunday, ‎January ‎22, ‎2017, ‏‎11:52:55 AM

Picture by: www.checarattere.it

ARUDHI

Standard

 

Kina, nakipenda kina,

Kina kije kikiwa kina mana.

 

Uzani, wala siudhanii,

Uje tu kama waja, siupanii.

 

Muwala, mi nao wala wala,

Kama waja na uje mie sina shida wala.

 

Mshororo sina nao kokoro

Ila sinifunge kwa idadi nitoe kasoro

 

Ubeti usinipe shariti

Eti lazima uwe hivi la sivyo pingiti

 

Arudhi kwangu sio aridhi

Langu tungo najenga kwa kuridhi

 

Lakini, sipotoki sijue napotoka

Nakiweka kina kikija nakipenda

Nauweka mzani ukija navyokwenda

Nakata neno likiwa tamu kulinena

Nafunga ubeti kimaliza nachonena.

 

Sipotoki, kuandika yaso tamu kutamka

Sikurupuki, kughana yaso hamu kunitoka

Sisemi yenye utata, hadhira niikwaze

Sighani yenye ukata, hadhira niipumbaze.

 

Mapingiti, mabutu lau sio masivina

Mavue, manini ila yajieleza kwa kina

 

Sifungwi sijilegezi

Sipingi sipuuzi.

 

Tuesday, May 2, 2017

Picha na: 360connext.com

TUNGO ZAO ZA OVYO.

Standard
Shairi hili ni utungo wake Dotto Rangimoto Chamchua, alitushirikisha utungo huu katika kundi nami nikaupenda, nikaona ni jambo jema kama nikikushirikisheni nanyi mpate kile asemacho.
Shairi hili laturudisha wakati ule wa enzi za mgogoro wa ushairi, kipindi ambacho palikuwa na mvutano kati ya watunzi wa kimapokeo na wale wa kimamboleo.
Nadhani ni shairi amabalo laweza kuamsha hisia, hasa za wale walengwa wa shairi hili na kuleta mjadiliano, ambalo si jambo baya. Una maoni gani juu ya hili? Hebu soma halafu utupatie ujumbe wako.
Karibu.
|
|
TUNGO ZAO ZA OVYO.
 |
Mwanga mvamia pungo, kilingeni kwa mganga,
Sawa na watunga tungo, huku wakiziboronga,
Kisha kwa zao borongo, wajivike umalenga,
Bora lende si kutunga, ni kuzidhulumu tungo.
Padri mchora kisango, na hirizi kuzifunga,
Sawa na wabeba bango, la kujinadi watunga,
Kumbe watungazo nongo, hawajijuwi mabunga,
Bora lende si kutunga, ni kuzidhulumu tungo.
 |
Shetani hasa kibwengo, saum anapofunga,
Sawa na wao utungo, wa kubananga bananga,
Kisha wajipa kiwango, kama kile cha wahenga,
Bora lende si kutunga, ni kuzidhulumu tungo.
 |
Mpishi asiye bongo, mpika wali na chunga,
Sawa na wao mpango, wa tungo wanazotunga,
Tungo mapengo mapengo, kisha waziita kunga,
Bora lende si kutunga, ni kuzidhulumu tungo.
|
Latakikana komango, na chungio la kuchunga,
Waipinde na migongo, ndipo watapata unga,
Wakileta rongorongo, hawapati japo chenga,
Bora lende si kutunga, ni kuzidhulumu tungo.
 |
Kibeku pamwe na ungo, wangakazana kuwanga,
Halitimu lao lengo, la kulitawala anga,
Watavundika migongo, anga mwenyewe kipanga,
Bora lende si kutunga, ni kuzidhulumu tungo.
|
Kwenda vitani na gongo, ama kuenda na panga,
Sawa kutaka ulingo, na mimi Jini Kinyonga,
Kama wanao ubongo, wazitunge za kulenga,
Bora lende si kutunga, ni kuzidhulumu tungo.
 |
Mwisho hiki ni kigongo, kimekuja kuwagonga,
Wao wenye tongotongo, wasiojuwa kutunga,
Ngoma hii kisamango, kiroja wacheza vanga,
Bora lende si kutunga, ni kuzidhulumu tungo.
 |
09 Meyi 2017 Jumanne 15:14
#JiniKinyonga
NjanoTano
Dotto Rangimoto Chamchua
Whatsapp 0622845394 Morogoro.
|
Natumai umepata kitu hapo, kusoma Zaidi mashairi ya ndugu Rangimoto, tembelea ukurasa wake wa Facebook Mashairi ya Rangimoto
Asanteni.

ZA MWIZI

Standard

Za Mwizi

Maskini kipata tako hulia mbwata,

Wali shata shata  kwa mafuta ya mbata,

Keti kitako nabwata nikuhadithie kilichonipata.

 

Ilikuwa kama sita, miaka ilopita,

Baada ya masika, mvua zilikatika,

Nikatoka nikenda, kwa yule bibie niliempenda,

Hapo mazao nishauza, mihela kiroba naburuza.

 

Bibie mwenyewe mkewe mpemba, yule mwuza mitumba,

Alokuwa akiimba, sokoni kujigamba,

Mkewe nilimlamba, nikamuona mshamba,

Sikujua ananichimba, ukweli kuukumba.

 

Mke wangu nilimuaga, naenda mkwajuni kujua kunani,

Yule mpemba sokoni, mimi na mkewe vinjari nyumbani

Mie mpaka kwake hodi, karibu ndani kwa uturi na udi,

Nikala utamu kunoga, asali faudu bila woga.

 

Thatlathini na kenda ikafika, arubaini kuwadia,

Hamadi jembe naweka, shimoni mpini kunasia,

Sivute uje katika, mtumee mpemba kaingia,

Mke wangu kiuno kashika, na jumbe wote kushuhudia.

 

Aibu menifika, mpemba kanishika,

Mkewe machozi yamtoka, mumewe kakasirika,

Mke wangu alishacharuka, ananidai talaka,

Mtaani wote wanicheka, fedheha nimejitwika.

 

Ama kweli haramu, yatia doa kuliko damu,

Hata hizi pesa za kiburi, sinazo tena jeuri,

Aheri aibu kuliko fedheha, kweli fedha fedheha,

Kila mmoja kunizomea, kati yao kondoo mimi bweha.

 

Haya sasa wacha anasa, jifunze kwa wangu makasa,

Kama unabisha endelea kupata, paka siku utaponasa,

Ndo ujifunze njia inayopasa, ukishapatwa na mkasa,

Au upate maradhi ya kisasa, ukishalamba garasa.

 

Paul Mndima

Thursday, November 10, 2016. 10:20:07 PM

PicCred: images5.aplus.com

 

 

 

 

 

 

 

 

 

NYEUPE/NYEUSI

Standard

NYEUPE NYEUSI

 

Hali si hali mpaka iwe shwari ama shari

Kwenye kitu kuna mawili, kipo au hakipo

Je, ilinyesha haikunyesha, zaidi ya hapo hakuna la kuonesha.

Kuna mawili, moja au sifuri, ubaya au uzuri

Nyeusi nyeupe, ku giza au ku mwanga kweupe.

 

Lakini, yu aamua nani haya yote?

Na yu aamua kwa nani haya yote?

Kwani nini tatizo tukiuita wema kuwa ubaya?

Kwani kipi kigezo cha wema na ubaya?

 

Wataka kusema yalijizukia tu mambo haya?

Au wataka sema tuliyapokea tu mambo haya?

Hamkuuliza?

Au mlipokea tu mkala cha moto pasi kupuliza?

Yenu kutimiza,

Hakusumbua bongo, kama watoto mkaigiza.

 

Iko sababu, chunguza

Usione ajabu, ukikuta unaburuzwa.

 

Uliza yote, usikubali yote.

Pokea yote, usishikilie yote.

 

Hakuna giza, aidha uko mwanga au la

Haiko baridi, aidha liko joto au la

Basi hata ubaya hakuna, ni wema tu unatoweka

Au basi hakuna wema, ni ubaya tu unatoweka

kipi ni kipi?

 

Hebu subiri, mbona nami nachanganyikiwa?

Haya nahubiri, mbona nami yanisumbuwa?

 

Ebo! Najichoshea nini kwani?

Watu wenyewe ndio nyie msohoji imani?

 

Wacha nende zangu!

Bora puuzia tu maneno yangu.

 

Wakiuliza nani kasema haya, wala usinitaje.

© Paul Mndima Aprili 24, 2017

 

Photo Credits: img.clipartfest.com